Lilja Dögg Al­freðs­dótt­ir, vara­for­mað­ur Fram­sókn­ar­flokks­ins og fyrr­ver­andi ráð­herra, tel­ur að Framsókn þurfi að end­ur­nýja er­indi flokks­ins. Flokk­ur­inn þurfi skýr­ari lausn­ir fyr­ir heim­il­in og at­vinnu­líf­ið.

„Það tek­ur tíma að end­ur­vinna traust og það er sú vinna sem ég er að bjóða mig fram í,“ seg­ir Lilja, sem gef­ur kost á sér til for­manns Fram­sókn­ar­flokks­ins. Lilja ræð­ir stöðu flokks­ins, fram­boð­ið og hug­mynd­ir sín­ar um upp­bygg­ingu Framsóknar í við­tali við Gímald­ið. Hún fer yf­ir stöðu efna­hags­mála og al­þjóða­mála og hvern­ig stefnan þurfi að þjóna bæði lands­byggð­inni og höf­uð­borg­ar­svæð­in­u.

Lilja seg­ir að með því að vera lausn­a­mið­uð geti Fram­sókn mark­að sér sér­stöðu í stjórn­ar­and­stöðu á yf­ir­stand­andi kjör­tíma­bil­i. Miðju­flokk­ar sem vilji byggja á sam­vinnu og ná mála­miðl­un­um eigi víða í vök að verj­ast nú þeg­ar marg­ir flokk­ar séu að færa sig yst á jaðrana.

„Fram­sókn­ar­flokk­ur­inn á að mínu að mati að sækja fram og koma með lausn­ir.“ Lilja nefn­ir til dæm­is lausn­ir sem Fram­sókn geti tal­að fyr­ir á vett­vangi efna­hags­mála. „Ég við­ur­kenni að efna­hags­stefna Kristrún­ar kem­ur mér á óvart,“ seg­ir Lilja sem tel­ur við­brögð rík­is­stjórn­ar­inn­ar, til að ná nið­ur verð­bólg­u, ekki trú­verð­ug. Mik­il­vægt sé við nú­ver­andi að­stæð­ur að að­gerð­ir hins op­in­bera séu sam­ræmd­ar. Halda þurfi aft­ur af öll­um hækk­un­um og gæta þess að laun hjá hinu op­in­bera fari ekki fram úr því sem al­menni vinnu­mark­að­ur­inn ráði við.

Þessu tengt:

18. nóvember 2025

Fram­sókn og tím­inn: Þol­in­móð­asti flokk­ur lands­ins bíð­ur fær­is

Um al­þjóða­mál­in seg­ir Lilja mik­il­væg­ast að standa með grunn­gild­um Ís­lands og vera sam­ferða þeim þjóð­um sem að­hyll­ast sömu gild­i, trúa á hið frjáls­lynda lýð­ræði og virða al­þjóða­lög.

„Að mínu mati ætt­um við ekki taka stór­ar og af­drifa­rík­ar ákvarð­an­ir um ör­ygg­is­- og varn­ar­mál fyrr en við sjá­um að­eins bet­ur hvort við er­um að horfa á grund­vall­ar stefnu­breyt­ingu í Was­hington til lengri tíma eða hvort það verða breyt­ing­ar með næsta for­seta. En þetta er mjög vanda­söm staða engu að síð­ur og það þýð­ir ekki að gera lít­ið úr henni og það er ekki hægt að líta fram hjá henn­i,“ seg­ir Lilja.

Að­spurð um fram­tíð­ar­sýn fyr­ir flokk­inn legg­ur Lilja áherslu á fjár­fest­ingu og fram­far­ir í mennta­kerf­inu auk þeirra tæki­færa sem liggja í tækni­fram­för­u­m. „Fram­sókn til fram­tíð­ar vill að sjálf­sögðu sjá öfl­ug­ar fjár­fest­ing­ar í tækni­upp­bygg­ingu og svo auð­vit­að passa upp á að sé það öfl­ug verð­mæta­sköp­un svo við get­um hald­ið áfram að láta vel­ferð­ar­kerf­ið þjóna fólk­in­u.“

Þessu tengt:

20. janúar 2026

Ingibjörg Isaksen í viðtali: Framsókn ekki verið nógu skýr í sínum málflutningi

Þrátt fyr­ir von­brigði eft­ir síð­ustu al­þing­is­kosn­ing­ar seg­ist Lilja bjart­sýn fyr­ir hönd Fram­sókn­ar­flokks­ins. „Ég tel að við get­um aft­ur náð eyr­um kjós­enda með því að vera lausn­a­mið­uð og end­ur­nýja þetta er­ind­i,“ seg­ir Lilja og bæt­ir við: „Við þurf­um bara að bretta upp ermar, kynna bet­ur fyr­ir hvað við stönd­um og ná aft­ur inn á eld­hús­borð þjóð­ar­inn­ar.“

Formannskjör í Framsóknarflokknum fer fram 14. febrúar næstkomandi. Auk Lilju gefur Ingibjörg Ísaksen, formaður þingflokks Framsóknarflokksins, kost á sér í embættið.

Hægt er að hlusta á viðtalið við Lilju í spilaranum hér fyrir ofan og í öllum helstu hlaðvarpsveitum.