Íslenska þjóðin tekst á við fjórðu þjóðaratkvæðagreiðsluna á þessari öld á laugardag. Umræðan hefur verið bæði góð og slæm, en núna á lokasprettinum er ljóst að Brexit-augnablikið er runnið upp. Í síðasta hlaðvarpi Gímaldsins fyrir þjóðaratkvæðagreiðslu fara Eyrún Magnúsdóttir, Aðalheiður Ámundadóttir og Helga Arnardóttir yfir stöðuna á lokaspretti baráttunnar. Þær ræða kappræður, skoðanakannanirnar, baráttuaðferðir, upplýsingaóreiðuna og lygarnar og ábyrgðarleysið sem fylgir þjóðaratkvæðagreiðslum. 

Meðal umræðuefna í þættinum:

• Engin könnun hefur sýnt marktækan eða afgerandi mun á fylkingum. 
• Niðurstaðan mun ráðast á lokametrunum og því hverjir mæta á kjörstað.
• Kappræðurnar á RÚV skorti staðreyndavöktun en Kristrún tók hana að sér. 
• Sólveig Anna með nýja sýn á stéttamun í íslensku samfélagi. 
• Aldrei fyrr verið logið jafn mikið um orkumál.
• Ábyrgðarleysið er kerfisgalli þjóðaratkvæðagreiðslna: hver svarar fyrir lygarnar á sunnudaginn?
• Geta samfélagsmiðlar talist vettvangur lýðræðis af því allir hafa míkrófón?
• Er þjóðaratkvæðagreiðslan sjálf ef til vill ólýðræðisleg í eðli sínu?
• Bankastjóri Arion banka segir verðtrygginguna úrelta og lánasambandið óheilbrigt.
• Sama hvernig fer á laugardag: neytendamál, matarverð og vextir eru komin á kortið

Hægt er að hlusta á þáttinn í spilaranum hér fyrir neðan og á öllum helstu hlaðvarpsveitum.