Ísland var til umræðu í hinu geysivinsæla hlaðvarpi The Rest is Politics á dögunum. Eins og fjölmargir aðrir veltu þáttastjórnendurnir Alastair Campbell og Rory Stewart fyrir sér ástæðum þess að Ísland hefur ítrekað og óvart ratað á varir forseta Bandaríkjanna. Stewart telur Evrópusambandið þurfa að bregðast við þessu umsvifalaust.
Skiptar skoðanir hafa verið um þýðingu þess að Ísland var ítrekað nefnt í ræðu Donalds Trump forseta Bandaríkjanna, í Davos. Þótt flestir hafi sammælst um að forseti Bandaríkjanna hafi mismælt sig og ruglað saman Grænlandi og Íslandi, sætir furðu að hann hafi mismælt sig með slíkum hætti ítrekað í sömu ræðu, eða fjórum sinnum.
Þorgerður Katrín Gunnarsdóttir, sagðist í samtali við RÚV hafa fengið staðfest að forsetinn hafi ekki ætlað að kenna Íslandi um dýfu á hlutabréfamörkuðum í Bandaríkjunum á þriðjudag, um mismæli hafi verið að ræða. Þá sem grunar að annað og meira liggi á bak við mismæli Trumps, verður ekki hugarhægra við þá staðfestingu, enda er það frekar spurning um hvað liggur að baki mismælanna sem veldur áhyggjum.
Þessu tengt:
Meðal þeirra sem hafa lýst áhyggjum af mismælunum er Rory Stewart, fyrrverandi þingmaður og ráðherra breska Íhaldsflokksins. Stewart stýrir hinu geysivinsæla hlaðvarpi The Rest is Politics ásamt rithöfundinum og stjórnmálaskýrandanum Alastair Campbell. Þeir félagar voru í sal ráðstefnuhallarinnar í Davos þegar Donald Trump flutti ræðu sína í vikunni.
„Nú vil ég ekki kafa of djúpt ofan í hið furðulega sálarlíf Donalds Trump, en þetta veldur mér áhyggjum, hvaðan koma allar þessar tilvísanir til Íslands?“
Í þætti sem birtur í kjölfar ræðunnar, vakti Rory Stewart máls á ítrekuðum ummælum Trumps um Ísland. „Nú vil ég ekki kafa of djúpt ofan í hið furðulega sálarlíf Donalds Trump, en þetta veldur mér áhyggjum, hvaðan koma allar þessar tilvísanir til Íslands?“ spurði Stewart.
Hann orðaði svo sína eigin kenningu og sagði að það hvarflaði að sér að Donald Trump hefði bara litið á landakort og hugsað með sér: „Ef við getum tekið Grænland, af hverju tökum við þá ekki bara Ísland líka?“ Þetta sagði Stewart með vísan til þeirra viðhorfa sem Trump hefur til leiðtoga Evrópu, að þeir séu meira og minna aumingjar sem eigi engin svör við kröfum hans, heldur leggist bara flatir um leið og hann orði óskir sínar.
Alastair Campbell reyndi fyrst að draga úr þessum hugrenningum en þá minnti Stewart á nýlegt „grín“ sendiherraefnis Bandaríkjanna fyrir Ísland um að hann yrði brátt ríkisstjóri 52. ríkis Bandaríkjanna á Íslandi. Ljóst væri að Ísland hafi verið að skjóta reglulega upp kollinum í höfðum þeirra.
Rory Stewart er ekki einn um þessar hugleiðingar. Þær hafa víða skotið upp kollinum bæði í höfðum Íslendinga og annarra. Erlingur Erlingsson orðaði svipaðar hugsanir í samtali við mbl.is og sagðist telja Ísland hafa verið til umræðu í Hvíta húsinu þótt hann gæti ekki rökstutt þá tilfinningu sína.
„Í mínum huga, hafandi séð báðar ræðurnar, þá held ég að hann sé klárlega að mismæla sig en hins vegar, án þess að ég sé einhvers konar hegðunarsálfræðingur eða eitthvað svoleiðis, að þá nefnir maður sjaldan hluti sem maður hefur alls ekki verið að hugsa um eða tala um,“ sagði Erlingur í samtali við mbl.is.
Í síðari hluta fyrrnefnds hlaðvarpsþáttar ræddu Stewart og Campbell um nánari samvinnu Evrópuríkja og hvort Bretland ætti þar einhverja innkomu. Þessi umræða spannst út frá ræðu Marks Carney forsætisráðherra Kanada og ákalli hans um nánari samvinnu minni og meðalstórra ríkja.
Stewart sagði mikilvægt nú að slík ríki standi saman enda geti þau myndað sterka og valdamikla blokk þegar þau komi saman. Þá veltu þeir fyrir sér næstu skrefum Keir Starmer forsætisráðherra Bretlands og hvort hann geti byggt brýr á ný til Evrópu. „Því það sem Trump gerir er að að reyna að skapa sundrungu, þess vegna leggur hann misháa tolla á ríkin,“ sagði Stewart og bætti við: „Það sem við þurfum nú eru sameiginlegar yfirlýsingar frá leiðtogunum. Evrópusambandið þarf að sýna hugrekki.“
„Er núna runnin upp sú stund að Evrópusambandið þurfi að flýta inngöngu Íslands?“
Svo snéri Stewart sér aftur að Íslandi: „Núna þarf Evrópusambandið að hugsa um hvað það gerir fyrir Ísland: „Er núna runnin upp sú stund að Evrópusambandið þurfi að flýta inngöngu Íslands?“ spurði Stewart og velti fyrir sér hvort þetta kunni að verða áhrif þess sem Trump hefur gert á tólf mánuðum.
„Kannski í stað þess að bíða í áratug eftir að öll Balkan-ríkin vestanmegin uppfylli öll skilyrði inngöngu, væri rétt að snúa ferlinu við og veita þeim inngöngu strax og gera þau að meðlimum Evrópusambandsins en svo fái þau réttindi aðildar smám saman á næstu tíu árum eftir því hvernig þeim gengur að uppfylla inngönguskilyrðin,“ sagði Stewart og lauk svo þessum hugleiðingum á ósk um að Keir Starmer láti reyna á eitthvað í þessa átt.
Þessi hugmynd hefur ekki verið viðruð opinberlega af Evrópusambandinu eða stjórnmálaleiðtogum á Íslandi, í ljósi atburða undanfarinna sólarhringa. En þetta er hins vegar í takt við það sem forseti Finnlands, Alexander Stubb, hefur spáð fyrir um, það er að segja að ESB fari að horfa með öðrum hætti á stækkunarmál og í rauninni snúa ferlinu við. Í stað þess að umsóknarríki semji um alla 35 kafla umsóknarinnar, verði umsóknarríkinu veitt aðild strax og svo öðlist það réttindi hvers og eins kafla eftir því sem samningum um þá er náð. Svona verði líklega farið með umsókn Úkraínu, nefnir Stubb sem dæmi og þrátt fyrir að Úkraína verði risabiti fyrir Evrópusambandið, þá fylgir með 800 þúsund manna her, og með því mun hernaðarvald sambandsins tvöfaldast.
En í umræðum um stöðu alþjóðamála á Alþingi, var spurningin um aðild að Evrópusambandinu vissulega meðal umræðuefna.
„Á örlagatímum eins og eru núna ber okkur skylda til þess, fordæmalaust, að endurhugsa stöðu Íslands í þessum hverfula heimi,“ sagði Þorgerður Katrín Gunnarsdóttir, utanríkisráðherra í munnlegri skýrslu sinni við upphaf umræðunnar. „Við eigum ekki að hlaupast undan þeim merkjum að skoða alla möguleika, þar með talið, já, að huga að aðildarviðræðum við Evrópusambandið,“ sagði ráðherra. Horfa má á ræðu ráðherra hér að neðan.
We often send out our newsletter with news and great offers. We will never disclose your data to third parties and you can unsubscribe from the newsletter at any time.
Unfortunately, we’re unable to offer free samples. As a retailer, we buy all magazines from their publishers at the regular trade price. However, you could contact the magazine’s publisher directly to ask if they can send you a free copy.
You can create a new account at the end of the order process or on the following page. You can view all of your orders and subscriptions in your customer account. You can also change your addresses and your password.
No, you don’t have to create an account. But there are a few advantages if you create an account.
You never have to enter your billing and shipping address again
Find all of your orders, subscriptions and addresses in your account
Download invoices of your orders
No, we don’t have a physical store location at the moment. We accept only orders through our online shop and we’re shipping all orders with the Swiss Post Service. Please visit our shipping section for more details.
From time to time you will find us at design fairs and popup markets in Switzerland. Subscribe to our newsletter and you’ll receive the latest news.