Bar­átt­an um völd­in í sveit­ar­fé­lög­um lands­ins er far­in af stað. Vett­vang­ur kosn­inga­bar­átt­unn­ar hef­ur að miklu leyti færst frá rit­stýrð­um fjöl­miðl­um inn á sam­fé­lags­miðla þar sem kjós­end­ur tjá ánægju sína en eink­um þó óá­nægju með hvað­eina sem tor­veld­ar þeim dag­legt líf og veld­ur þeim gremju, og fram­bjóð­end­ur svara kall­inu á sama vett­vangi og bjóða lausnir, stund­um töfra­lausn­ir.

Önn­ur nýlunda í að­drag­anda kosn­inga er sterk inn­koma hlað­varpa. Fjöl­miðl­arn­ir eru marg­ir með sín hlað­vörp en ein­stak­ling­ar halda líka úti hlað­vörp­um og ná nú til sín fram­bjóð­end­ur. Það eru líka fyr­ir­tæki og hags­muna­að­il­ar að gera og hags­muna­öfl­in halda ekki bara úti hlað­vörp­um held­ur standa bíla­um­boð, bygg­inga­verk­tak­ar og fast­eigna­fé­lög að heilu ráð­stefn­un­um um kosn­inga­mál­in og fá odd­vita flokka til að ræða við sig um hags­muna­mál sín í að­drag­anda kosn­inga.

Eyrún Magn­ús­dótt­ir og Að­al­heið­ur Ámunda­dótt­ir ræða þessa þró­un í fyrsta þætti Barna og bíla­stæða, þáttar­að­ar Gímalds­ins um sveit­ar­stjórn­ar­mál í að­drag­anda kosn­inga. Hægt er að hlusta á þátt­inn í spil­ar­an­um hér efst í frétt­inni og á öll­um helstu hlað­varpsveit­u­m.

Í þætt­in­um ræða þær fjöl­breytt­an vett­vang kosn­inga­bar­átt­unn­ar og hlut­verk fjöl­miðla í þessu nýja lands­lag­i. Þær spyrja hvort þol­in­mæði fyr­ir sér­hags­mun­um sé að aukast aft­ur eft­ir að óþol fyr­ir slíku rauk upp úr öllu valdi í kjöl­far efna­hags­hruns­ins og hvaða þjón­ustu fjöl­miðl­ar eigi helst að veita kjós­end­um til að und­ir­búa þá sem best fyr­ir kosn­ing­arn­ar. Á að láta fram­bjóð­end­um og jafn­vel hags­muna­að­il­um eft­ir að skil­greina vanda­mál­in sem þarf að leysa eða eiga fjöl­miðl­ar kannski frek­ar að beina at­hygl­inni að mál­efn­un­um sjálf­um, rýna í þau, greina og skýra út?

Þessu tengt:

18. apríl 2026

Sagan á bak við umsögnina um Græna gímaldið sem ekki mátti birta

Í þættinum er rökstudd sú leið að gefa frambjóðendum frí í umfjöllun Gímaldsins um komandi kosningar, en framboðin hafa fjölbreyttari leiðir en áður til að koma sér á framfæri. Málefnin sjálf kunna hins vegar að verða undir og þess vegna beinir Gímaldið athyglinni að þeim.

Nafnið á þáttaröðinni er líka skýrt í þessum fyrsta þætti en stór hluti verkefna sveitarfélaga snýst um börn, velferð þeirra, menntun og lífsgæði. Miðað við umræðu fyrir þessar kosningar mætti þó halda að börn þrái fyrst og fremst eitt: bílastæði! 

Þátt­ur­inn Börn og bíla­stæði er hugs­að­ur fyr­ir for­vit­ið fólk sem er þreytt á upp­hróp­un­um og rifr­ild­um og leit­ar í stað­inn að dýpri skiln­ingi á þeim mál­efn­um sem verða í brennid­epli fyr­ir kosn­ing­arn­ar. Mark­mið­ið er að veita kjós­end­um þjón­ustu frek­ar en fram­bjóð­end­um og þess vegna verð­ur þátt­ur­inn án fram­bjóð­enda. Í stað­inn verð­ur rætt við fólk sem best er að sér á þeim mál­efna­svið­um sem tek­in verða fyr­ir. Þætt­irn­ir verða að­gengi­leg­ir á öll­um helstu hlað­varpsveit­um og verða öll­um opn­ir. Næsti þátt­ur fer í loft­ið á fimmtu­dag­inn og verð­ur helg­að­ur bíla­stæð­u­m.

Þessu tengt:

6. mars 2026

Borgarlínan verður ekki vinsæl fyrr en fólk sér hana virka