Stjórn Rós­ar­inn­ar, Lands­fé­lags jafn­að­ar­manna, eitt aðildarfélag Samfylkingarinnar í Reykjavík, hef­ur sam­þykkt að slíta sam­starfi við full­trúa­ráð Sam­fylk­ing­ar­inn­ar. Þetta kem­ur fram í til­kynn­ingu frá fé­lag­in­u. Í til­kynn­ing­unni seg­ir með­al ann­ar­s: „Rós­in er þar með sjálf­stæð í sín­um ákvörð­un­um og mun ákveða sjálf fram­boðs­mál og sam­starf í fram­boð­um á veg­um fé­lags­ins.“

En helsta ástæða fé­lags­ins fyr­ir slit­un­um er óá­nægja með val á lista flokks­ins fyr­ir borg­ar­stjórn­ar­kosn­ing­arn­ar næsta vor.

Vor til vinstri einn af kostunum

Sam­kvæmt heim­ild­um Gímalds­ins, er nú rætt um þátttöku Rósarinnar í samstarfi við aðra flokka og framboð á vinstri vængnum um sameiginlegt framboð í borgarstjórnarkosningum. Einn af líklegum kostum til samstarfs er þátttaka í Vori til vinstri, með Sönnu Magdalenu Mörtudóttur og Vinstri grænum.

Guðmundur Ingi Þóroddsson, formaður Rósarinnar segir ekki tímabært að gefa yfirlýsingar um slíkt samstarf. „Nú erum við bara að segja okkur úr fulltrúaráðinu og svo skoðum við næstu skref,“  segir hann.

Guðmundi ekki boðið sæti á lista

Í álykt­un stjórn­ar­inn­ar kem­ur fram að for­manni Rós­ar­inn­ar, Guð­mundi Inga Þór­odds­syn­i, hafi ver­ið til­kynnt að hon­um verði ekki boð­ið sæti á lista flokks­ins, þrátt fyr­ir að hafa lent í 7. sæti í próf­kjöri flokks­ins í Reykja­vík og lýst í kjöl­far­ið vilja til að skipa það sæt­i á framboðslista Samfylkingarinnar.

„Þeg­ar þannig er kom­ið sam­skipt­um Full­rúa­ráðs við sjöhund­ruð manna fé­lag­ þá eru horfn­ar all­ar for­send­ur fyr­ir sam­starfi þess og full­trúa­ráðs­ins. Stjórn Rós­ar­inn­ar sam­þykk­ir því að slíta sam­starfi sínu við full­trúa­ráð­ið í Reykja­vík­,“ segir í ályktuninni.

Eft­ir­far­andi til­kynn­ing var send á full­trúa­ráð Sam­fylk­ing­ar­fé­lag­anna í Reykja­vík:

Stjórn Rós­ar­inn­ar, Lands­fé­lag jafn­að­ar­fólks hef­ur tek­ið ákvörð­un um að slíta sam­starfi fé­lags­ins við full­trúa­ráð Sam­fylk­ing­ar­fé­lag­anna í Reykja­vík og segja fé­lag­aði úr að­ild að ráð­inu að fullu.

Ákvörð­un­in bygg­ir á heild­stæðu mati stjórn­ar á stöðu sam­starfs­ins og fram­tíð­ar­sýn fé­lags­ins um skipu­lag og starf inn­an flokks­ins. Tel­ur stjórn­in að for­send­ur áfram­hald­andi að­il­ar séu ekki leng­ur fyr­ir hend­i.

Rós­in er þar með sjálf­stæði í sín­um ákvörð­un­um og mun ákveða sjálf fram­boðs­mál og sam­starf í fram­boð­um á veg­um fé­lags­ins.

Ósk­að er eft­ir því að þessi til­kynn­ing verði færð til bók­ar og að nauð­syn­leg­ar ráð­staf­an­ir verði gerð­ar af hálfu full­trúa­ráðs og flokks­ins vegna slita að­ild­ar­inn­ar sem tek­ur gildi strax í dag.

Guð­ný Maja Riba, vara­for­mað­ur Rós­ar­inn­ar birti til­kynn­ingu um mál­ið á Face­book­síðu Rós­ar­inn­ar í gær­kvöld­i, en til­kynn­ing­in var tek­in nið­ur nokkrum mín­út­um síð­ar.

Um til­kynn­ing­una sagði Guð­ný að Rós­in hafi á frá upp­hafi starf­að á grunni jafn­að­ar, mann­rétt­inda og reynslu fólks sem vill leggja sitt af mörk­um til sam­fé­lags­ins.

„Sú ákvörð­un sem tek­in hef­ur ver­ið snýr að skipu­lagi og sam­starfs­formi í Reykja­vík en hef­ur ekki áhrif á okk­ar póli­tísku sann­fær­ingu eða að­ild að Sam­fylk­ing­unn­i. Við stönd­um áfram eð jafn­að­ar­stefn­u, fé­lags­legu rétt­læti og þeirri sýn að breið reynsla og ólík sjón­ar­mið styrki hreyf­ing­una. Sam­starf, virð­ing og fag­mennska eru lyk­il­at­riði í okk­ar starf­i, inn­an flokks sem ut­an­.“

Þessu tengt:

7. janúar 2026

Borg­ar­full­trú­ar gegn flokks­for­ystu

Þessu tengt:

2. nóvember 2025

Iðn­að­ar­krat­ar ráða ríkj­um í Sam­fylk­ing­unni